Samsun'da Müsâdere Edilen Martinler

DH. EUM. EMN, 88/33_2

Bâb‑ı Âlî

Dâhiliye Nezâreti

Şifre Kalemi

Keşîdesi: 8 Temmuz

Kaleme vürûdu: 9 minh

Sivas Vilâyeti'nden alınan şifre

Dünkü telgrafa zeyldir. Hân ve dükkânlarında bomba zuhûr eden Amasyalı Karnik ve Ohannes'in ifâde‑i mazbûtalarına nazaran iki aydan beri Amasya'dan civâr mahallere birçok dinamit bomba ve martin sevkedildiği ve Samsun'da müsâdere edilen martinler dahî Mardiyan nâmına getirildiği anlaşılmıştır. Amasya mutasarrıfı merkûmların cihet‑i adliyyeye tevdî‘inden ise Dîvân‑ı Harb'e sevkleri münâsib olacağını yazıyor. Bu bâbdaki tahkîkât ve taharriyyât kemâl‑i sükûnetle icrâ ettirilmektedir. Amasya'nın iş‘ârı vechile bu işin Der‑sa‘âdet Dîvân‑ı Harbî'nce tahkîk ve tedkîki muvâfık olacağından irâde‑i aliyyelerine muntazırım.

Fî 8 Temmuz sene [1]330

Vâlî

Mu‘ammer