Salîb-i Ahmer Teşkîlâtı

DH. ŞFR, 98/340

Bâb-ı Âlî

Dâhiliye Nezâreti

Emniyyet-i Umûmiyye Müdîriyyeti

Umûmî:

Husûsî:

Ecânib Şu‘besi

Şifre

Umûm iki yüz yirmi

Edirne	Vilâyetine	Urfa	Mutasarrıflığına
Erzurum	"	İzmit	"
Ankara	"	Eskişehir	"
Aydın	"	Karahisâr-ı Sâhib	"
Bitlis	"	Mar‘aş	"
Hüdâvendigâr	"	Erzincan	"
Diyârbekir	"	Bolu	"
Sivas	"	Canik	"
Trabzon	"	Çatalca	"
Kastamonu	"	Karesi	"
Konya	"	Kal‘a-i Sultâniyye	"
Ma‘mûretü'l azîz	"	Menteşe	"
Van	"	Teke	"
	"	Kayseri	"
	"	İçel	"
		Kütahya	"
		Niğde	"

Memâlik-i Osmâniyye'nin ba‘zı aksâmında ve ez-cümle pây-i taht-ı saltanat-ı seniyye ile İzmir, Trabzon ve Samsun havâlîsinde Rum ve Ermeni Salîb-i Ahmer şu‘ûbâtı küşâd edilmekde olduğu anlaşılmış ve Ermeni Salîb-i Ahmer Teşkîlâtı'na bir sıfat-ı resmiyye izâfesiyle bunların men‘i için i’tilâf komiserleri nezdinde teşebbüsât icrâsına mahall olmadığından teşkîlât-ı mezbûreye zâbıta ma‘rifetiyle mümâna‘at edilmesi, Rum Salîb-i Ahmer Teşkîlâtı'na gelince bunların mevcûd bulunduğu yerlerdeki Yunan Salîb-i Ahmeri Teşkîlâtı ile bir alakası olub olmadığının tahkîk ve iş‘ârı ve bunlardan münhasıran Osmânlı Rumları ma‘rifetiyle ve Salîb-i Ahmer alâmet-i mahsûsasıyla vâki‘ olmuş teşkîlât var ise onlarında men‘i lâzım geleceği Hâriciye Nezâret-i Celîlesi'nden bildirilmiş olmağla mûcebince îfâ-yi mu‘âmele olunması ve inbâsı.

Fî 28 Nisan [1]335

Nâzır Nâmına

İmzâ