Rahibi Kilisede İcrâ-yı Ayînden Men Edenler

825_1

DH. KMS, 18/27_1

Dâhiliye Nezâreti

Târîh-i Tebyîzi: 12 Mart, sene [1]330

Şifre

Canik Mutasarrıflığına

Samsun ve Bafra'daki Ermeni kiliseleri rahiblerinden ba‘zılarının azl ve tebdîli Ermeni ahâli arasında muhtelif cereyânlar hâsıl etdiği ve buna firka gayret[k]eşliği de munzam olarak Bafra'da Hınçakyanların şimdiki râhibi tehdîd sûretiyle kilisede icrâ-yı ayînden men‘ etdikleri haber alınmışdır. Mes’elenin bi't-tahkîk serî‘an inbâsı.

---

DH. KMS, 18/27_2

Bâb-ı Âlî

Dâhiliye Nezâreti

İstıtlâ‘ât Müdîriyeti

Umûmî

Husûsî

Aded

522

Huzûr-ı Âlî-i Nezâret-penâhîye

Samsun ve Bafra'daki Ermeni kiliseleri rahiblerinden ba‘zılarının azl ve tebdîl edilmeleri sebebiyle Ermeni ahâli arasında muhtelif cereyânlar hâsıl olduğu ve buna firka gayretkeşliği de munzam olarak Bafra'da Hınçakyanların şimdiki râhibi tehdîd sûretiyle kilisede icrâ-yı ayîn etmesini men‘ etdikleri ve bunun içün birkaç def‘a Ermeni patriğine her iki tarafdan telgraf keşîde edildiği anlaşıldığından mes’elenin ne mâhiyetde olduğunun ve Hınçakyanların derece-i müdâhaleleriyle maksadlarının bi'l-etrâf iş‘ârı lüzûmunun mahallerine teblîğ buyurulması ma‘rûzdur. Ol bâbda emr ü fermân hazreti men lehü'l-emrindir.

11 Mart, sene [1]330

İstıtlâ‘ât Müdîri

İsmâ‘îl

Not:

1-) Tarihler Rumi Takvime göredir.

Tarih çevirmek için

http://www.ttk.gov.tr/takvim.asp?takvim=3&gun=02&ay=4&yil=1333 

2-) Burada kullanılan belge ve bilgiler http://www.devletarsivleri.gov.tr/ kaynağından alınmaktadır.