DH. ŞFR, 79-A/139
Osmanlı Ordu-yı Hümâyûnu
Başkumandanlığı Vekâleti
Şu‘be:8
Numara:468
18/9/[1]333
Şifre
Samsun Mevki‘ Kumandanlığına
Ünye ile Terme miyânesi telgraf hattının Ünye telgraf merkezine iki saat mesâfede Akçay'dan başlıyarak Karasu kordonuna kadar üç mahalde sekiz direk arasında telleri kesilerek hatta mümted üç telden ellişer altmışar metro kadar tel alınıp götürüldüğü ve üç direğin de balta ile kesildiği ve bu halde Akçayda Karasu altındaki ormanlarda muhtefi olup sâhile inerek düşman gemilerine râkib olan Ermeni çeteleri tarafından vukû‘a getirildiği ıslâhata gönderilen telgraf çavuşu lâzım olan ameleyi tedârikde müşkilâta uğradığı gibi kuvve-i zâbıta tarafından dahi mu‘âvenet gösterilmediği binâ’en aleyh bundan dolayı ârızanın ıslâhı imtidât eylediği Posta Telgraf Nezâret-i Celîlesinden iş‘âr kılınmaktadır. Bugibi fevkalâde bir hâl vukû‘unda muhâberât-ı telgrâfiyenin sekteden vikâyesini te’mînen kuvve-i zâbıta ve cihet-i askeriyece lâzimü'l-îfâ mu‘âvenetin hiçbir sûretle dirîğ olunmaması lüzûmunun îcâb edenlere teblîği ve inbâsı mütemennâdır.
Mühür.
Hiç yorum yok:
Yorum Gönder